-
〖灣仔夢幻粉紅色素菜餐廳💗〗超多影相位，有巨型夾公仔機🧸
〖灣仔夢幻粉紅色素菜餐廳💗〗超多影相位，有巨型夾公仔機🧸 呢間餐廳一見到佢開就已經 Bookmard，皆因實在太靚，而且下午茶價錢仲要唔貴🥰餐廳 JAJA 座落於灣仔藝術中心，擁有開揚嘅維港景觀～空間非常充足，到處都係打卡位，分開兩個主題：一邊係少女心粉紅色、一邊係有巨型夾公仔機嘅粉藍色☁️ JAJA原來係西班牙文，讀音為「哈哈」，顧名思意，JAJA係一間散播快樂能量嘅餐廳，主打西班牙健康素食。我哋特別預訂咗下午茶 ($288 / for two) 包咗兩杯嘢飲： ・兩層鹹點：牛油果慕斯車厘茄撻、意式蕃茄多士、提生糙米壽司、英式鬆餅（原味 / 綠茶 / 黑朱古力 / 紅菜頭） ‧一層甜點：芝士蛋糕條、熱情果慕斯榛子酥餅、綠茶蛋白餅、JAJA奇亞籽布甸 😃 第一次食糙米壽司，口感好特別，幾好食喎，佢仲可以獨立嗌壽司拼盤 (12 pcs) 😃 蕃茄多士同牛油果撻我哋因為掛住影相攤耐咗，已經冇咁鬆脆🙈不過味道都唔錯！牛油果慕斯撻好香，蕃茄多士酸酸甜甜好 Fresh 😐 甜品我哋都覺得偏甜，一路食一路聽到唔止一枱話好甜，特別係芝士蛋糕條 😂 下午茶擺放喺一個可以轉嘅熱氣球架上面🎈好有儀式感，味道不過不失啦～環境靚、影相位多、Tea價錢又平，真係算係咁！Menu有超靚嘅美人魚打卡飲品，不過我哋覺得價錢有啲貴，所以就冇另外加錢order啦。 餐廳真係好大，絕對可以秒殺你手機相簿嘅容量📸所以鍾意影相嘅朋友一定唔會失望。但相應 Staff 嘅數量唔太夠，餐廳如果太多客人嘅時候，要 Service 就可能要等一等... 我哋當日去到，門口完全冇人，我哋係自出自入😂 JAJA @jajahongkong 📍灣仔港灣道2號香港藝術中心6樓 🗓星期一至日 11:30 - 22:00 💰下午茶售價：$288兩位用餐（下午茶必須要提早預訂，及講明要預約下午茶 📞2877-3999) 💗 可惜我哋去嘅時候因為落雨，所以出面 Outdoor 位置冇開，如果唔係對住維港用餐一定更 chill～ ——————— ♡ 𝕗𝕠𝕝𝕝𝕠𝕨 𝕦𝕤 ♡ ——————— ♡ 𝕀𝕟𝕤𝕥𝕒𝕘𝕣𝕒𝕞 @hkheastyle ♡ 𝔽𝕒𝕔𝕖𝕓𝕠𝕠𝕜 HKHEAStyle ♡ 𝕐𝕠𝕦𝕋𝕦𝕓𝕖 hkheagirlshk —————————————————————— -
〖銅鑼灣粉紅色花系餐廳🌸〗仲有影相道具，全店都係打卡點📸
〖銅鑼灣粉紅色花系餐廳🌸〗仲有影相道具，全店都係打卡點📸 女士好難抗拒嘅組合：粉紅色＋花花💗而呢間位於銅鑼灣嘅餐廳，正正就係一間以「粉紅色花花及森林」為主題嘅餐廳。店內佈置由專業花藝師精心設計💐非常夢幻，可以話全店都係打卡位！仲有提供大量道具，俾各位鍾意影相嘅朋友可以影夠本！ 我哋特別預訂咗鳥籠位置嘆下午茶☕️有好多花圍繞住嘅三層架下午茶： ・兩層鹹點：波菜酥、越南粉絲卷、牛油果蝦酥、三文魚多士、英式鬆餅 ・一層甜點：兩款馬卡龍、兩款小蛋糕 ‧飲品：熊仔草莓牛奶 🍓 ＋ 蜜糖杞子四菊花茶 😃 波菜酥好鬆脆、馬卡龍甜度剛好，最驚平時外出甜到漏嘅馬卡龍 😃 熊仔草莓牛奶好香又唔會太甜，不過影相要快，唔係隻熊好快融😂 😐 英式鬆餅略乾，比較硬身，似食緊曲奇 除咗餐廳嘅設計用心外，佢嘅理念都好有心👍🏻因為佢係一間推動多元共融嘅餐廳，會聘請特殊人士做員工，好似店內嘅飲品同甜品都係由聾啞人士幫手做～好似佢 ig profile 所講：一個會說故事的地方，用愛影響生命。 就是偏偏喜歡你 @sayiloveyouhk 📍銅鑼灣耀華街3號百樂中心16樓02-03室 🗓星期一至日 12:00 - 18:00 💰下午茶售價：$438兩位用餐（下午茶及鳥籠位置必須要提早預訂📞6226-8800) 🌸 如果大家留意到，粉紅花墻上有個英文名(candy)，原來係會不定時轉換！如果大家都想自己個名出現喺上面，可以去餐廳 ig 留意佢哋嘅 post，可以提名同投票哦！ ——————— ♡ 𝕗𝕠𝕝𝕝𝕠𝕨 𝕦𝕤 ♡ ——————— ♡ 𝕀𝕟𝕤𝕥𝕒𝕘𝕣𝕒𝕞 @hkheastyle ♡ 𝔽𝕒𝕔𝕖𝕓𝕠𝕠𝕜 HKHEAStyle ♡ 𝕐𝕠𝕦𝕋𝕦𝕓𝕖 hkheagirlshk —————————————————————— -
【聖誕打卡🎅🏻】冬日。森之仙境✨帶你進入炫彩奇幻仙子國度🧚🏻♀️
【聖誕打卡🎅🏻】冬日。森之仙境✨帶你進入炫彩奇幻仙子國度🧚🏻♀️ 今個聖誕節🎄YOHO MALL 帶領大家展開聖誕奇幻旅程！三個區域、六大打卡點，浪漫氣氛滿溢，啱晒情侶及閨蜜，一齊共度如幻似真嘅夢境聖誕～ 打卡點分佈喺三個區域：YOHO MALL I 及 II 中庭、YOHO Urban Farm，所以如果想影晒全部，就要花啲時間行吓 YOHO MALL🤣 三個區域分別係： 炫彩奇幻森林 (YOHO MALL I 中庭)、仙子們的秘密花園 (YOHO MALL II 中庭)、仙子星光許願長廊 (Urban Farm)。 我哋歸納咗以下呢6 大打卡： 1️⃣ 6米高「極光炫彩玻璃聖誕樹」🎄 燈光折射出幻彩光影效果，唔同角度都有唔同顏色 2️⃣ 巨型互動裝置「願之光寶石」💎 寶石形狀嘅縷空吊燈將幾何圖案 360 度投射喺牆上燈罩 3️⃣ 「花語迷宮」🌸 幾重3米高嘅巨型森系屏風包圍，屏風上更有一幅幅迷人花瓣指引方向 4️⃣ 「仙子星光許願長廊」⭐️ 15 米長嘅長廊，掛滿精緻燈飾，晚上亮燈後應該更加靚 5️⃣ 4.5 米高「永恆聖誕花」🌹 佢嘅花語為「祝福」，坐喺佢下面打卡，真係感覺自己都變成仙子 6️⃣ 「蒲公英小徑」❄️ 星光閃閃嘅蒲公英，代表著永不止息的愛 所有設施免費開放！不過影相時大家可能要就吓角度，因為除咗 Urban Farm 之外，另外兩個區域都喺商場入面，所以好大機會影到後面嘅商店同行人，呢個就係考驗大家影相能力嘅時候😂📸️ 「冬日.森之仙境」」 📍YOHO MALL I 及 II 中庭、YOHO Urban Farm 🗓2021... -
【聖誕打卡🎅🏻】Kakao Friends 聖誕夢幻樂園✨又可愛又好玩！
【聖誕打卡🎅🏻】Kakao Friends 聖誕夢幻樂園✨又可愛又好玩！ 聖誕節就到啦🎄大家都差唔多係時候諗定去邊！今個冬日，深受歡迎嘅 Kakao Friends 將會現身荷里活廣場，換上超可愛嘅聖誕造型同您共度歡樂聖誕💓 「Kakao Friends 聖誕夢幻樂園」係全港首個加入 Kakao Friends 互動遊戲元素嘅玩樂園區。主打 2 大玩樂主題區：「Ryan 飛越海盜船」&「Apeach 彈彈咖啡杯」，雖然啲遊戲就唔係好刺激，但站喺小朋友嘅角度，佢哋應該都覺得好好玩🤣🤣 不過我哋最期待就係可以同 Ryan & Apeach 影相 📸️ 佢哋真係好可愛🥰仲配合我哋做好多搞笑動作（真心服扮演嘅工作人員，因為件衫好重好大嚿...） 除咗玩樂區同多個打卡位外，同場亦設有「Kakao Friends 期間限定店」，售賣多款人氣精品，粉絲們要密切留意啦～ 樂園內嘅遊戲、Ryan & Apeach 影相都唔係免費開放，要憑消費或 VIC 會員積分換領㗎！ 「Kakao Friends 聖誕夢幻樂園」 📍鑽石山荷里活廣場一樓明星廣場 @plaza_hollywood 🗓即日起至11月4日 - 1月2日 (上午10時至晚上10時) 瀏覽 Kakao Friends 精品： https://hkheastyle.com/collections/kakao-friends ▾ ▾ ▾ ▾ ▾ ▾ ▾ ▾ ▾ ▾ ▾...
